I AUGURI DI RUNCACIO
PER AL 2008

Tant auguri per Nadêl,
che l’an nóv àl sia piò bêl;
cùn l’aiùt ‘d Gesò Bambèin
la salùt la’v staga vsèin.Àl domèlasê l’è stê
an nervós, maleduchê.
Elezioun a-àl cardiopalma
cùn tant quê ch’i s’àn ràt l’alma.
L’à vint Prodi in ‘na vulèda
cùn ‘na meza pedalèda
ed ‘na corsa bróta e dura
cùn sgumtèd da fer paura.
Lit, insùlt in Parlamèint
e violèinza fra la gèint.
“Poeta, Sant, Navigadór”
iéren tót n’eter lavór…
A fàm réder tót àl mónd,
aiàm propria tuchê-àl fónd.
Ecco chè la situazioun
a sê mes dagli eleziòun:
un mutìv àl préla-in dl’aria:
la riforma finanziaria
e-a cla vólpa ‘d Pàdva S’ciòpa
tót adòs; nisùn in gròpa!
Silvio-Bossi i èin sicùr:
forza! Avanti! A gl’avàm dùr!
Po’…cùn du tarabaciòun
is n’àn de dimostrazioun…
Rumanòun l’è chiêt…garbê…
al problema? Stèr desdê…
Fini àl vrév cambièr culór
mo-àn sa brisa cusa tór;
Bertinòt àl g’hà ‘l scranòun
quindi, gnint rivoluziòun;
Pièr Casini, dnànz a-àl spèc,
àl ricama un cèinter vec;
Lega, Vérd e po’ Mastèla,
cùn Di Pietro e cùn Panèla
i-èin di màdel d’un vistî
fróst, cól pèz, e descusî.
L’italiàn? Ùn can barboun
c’àl va in zérca dàl padròun.L’UDC àl per stachê
da la Cà dla libertê…
Forse, vérs la premavéra,
i faràn del vél a schiera.
Às prév cuntinuér acsè
e-a srév poch tót c’àl fói chè.
Mo-àl provérbi l’à già dét:
“bel tasér àn fó mai scrét!”

Provenzano i l’àn ciapê!:
ùn umèin… ùn pensionê…
L’è bèin vera, a sun cunvìnt,
che l’aspèt àn còunta gnint
In dàl Libano andàm là
e-in Iraq a gnàm a cà.
Refrendùm costtuzionèl:
a la destra la’gh va mèl.
A sàm ste campiòun dàl mónd
sól perché ‘l balòun l’è tònd…

(Continua nella colonna di destra )